ՆՈԱՀ գերմանահայկական մշակութային միության 20-ամյակին նվիրված «Լիլիթը Երևանում» խորագրով համերգ

04 նոյեմբերի, 2024

Նոյեմբերի 3-ին Գերմանիայի Հեփենհայմ քաղաքում տեղի ունեցավ ՆՈԱՀ գերմանահայկական մշակութային միության 20-ամյակին նվիրված՝ «Լիլիթը Երևանում» խորագրով համերգը։ Միջոցառմանը ելույթով հանդես եկավ Բերգշթրասե շրջանի ղեկավար Քրիստիան Էնգելհարդտը, ներկա էին նաև Հեփենհայմի քաղաքապետ Ռայներ Բուրելբախը, միության վարչության անդամներ և բազմաթիվ հյուրեր։

Բերգշթրասե շրջանի ղեկավարը շնորհակալություն հայտնեց ՆՈԱՀ-ին իրականացրած աշխատանքի համար՝ ընդգծելով, որ վերջինիս նախաձեռնությամբ հայ անվանի կոմպոզիտոր Ռոբերտ Ամիրխանյանը գրել է Լորշ քաղաքի օրհներգը։ Միության աջակցությամբ մի քանի անգամ շրջան է այցելել նաև աշխարհահռչակ «Գեղարդ» երգչախումբը։

Համերգին մասնակցեց և ողջույնի խոսքով հանդես եկավ նաև ՀՀ դեսպան Վիկտոր Ենգիբարյանը։ Դեսպանն իր ելույթում կարևորեց ՆՈԱՀ մշակութային միության քսանամյա գործունեությունը՝ թե՛ հայկական մշակույթը Գերմանիայում ներկայացնելու, թե՛ Հայաստանին նվիրված և հայ երաժիշտների մասնակցությամբ բազմաթիվ միջոցառումների անցկացմանն աջակցելու համար։

Երեկոն ուղեկցվեց հանրահայտ Դյորզամ եղբայրների և երգահան Լիլիթ Սարգսյանի երաժշտական կատարումներով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր